“Żewġ” – It-tieni pubblikazzjoni ta’ Alex Vella Gera
“Żewġ” huwa t-tieni ktieb li qed jippubblika Alex Vella Gera dis-sena. B’differenza minn “Lil Hinn Mill-Jien”, li ġie ppubblikat f’Mejju li għadda, “Żewġ” diffiċli tgħid x’tip ta’ ktieb hu. Fih żewġ novelli, u t-tnejn li huma jistgħu jissejħu fantaxjenza, iżda s-similaritajiet jieqfu hemm.
B’“Żewġ” Vella Gera jistħarreġ l-idea ta’ Malta bħala stat tal-moħħ, billi joħloq fl-istejjer tiegħu gżira nazzjon f’univers parallel li jintgħaraf sew iżda li fl-istess ħin huwa għalkollox aljen.
Fi kliem ieħor, dan huwa mod daqsxejn ikkumplikat kif ngħidu li “Żewġ” għandu jinteressa lil dawk il-qarrejja Maltin li qed ifittxu kitba immaġinattiva/spekulattiva fil-lingwa tagħhom iżda ftit li xejn qed isibuha.
“Żewġ” u “Lil Hinn Mill-Jien” jinsabu fil-ħwienet tal-kotba u stationers ewlenin jew jistgħu jinxtraw direttament minn Sierra Book Distributors fuq 21378576 / sales@sierra-books.com.
Il-kotba jintbagħtu b'xejn lil indirizzi lokali.
Skuzawni ghat-ton daqsxejn formali ta' dan il-messagg. Imma ma kellix aptit noqghod nerga' nikteb deskrizzjoni vaga tal-ktieb. Użajt il-press release. U l-filmat nammetti huwa tikka Xarabankesk forsi
